PSE ËSHTË I NEVOJSHËM PROGRAMI për Intervenim dhe Edukim të Hershëm?

Zhvillimi i Hershëm i Fëmijës

DSK ka punuar dhe vazhdon të punojë fuqishëm në mbrojtje dhe realizim të të drejtave të personave me sindromën Down, deri me tani ka inicuar nisma inovatore të suksesshme të cilat kanë prekur drejtpërsëdrejti nevojat dhe interesat e komunitetit të PAK-ve cilat janë vlerësuar të dobishme dhe me interes të përgjithshëm shoqëror, disa nga nismat si:

Zhvillimi është një proces i vazhdueshëm që fillon që nga ngjizja dhe vazhdon me faza në një renditje të rregullt.
Këto momente shërbejnë si parakushte për fazat që vijojnë.
Zhvillimi i fëmijës pritet të arrijë gurët kilometrik (milestones) në një moshë të caktuar, e cilësuar si “moshë kyçe”.
Për shkak të vështirësive specifike, shumë fëmijë me sindromë Down mund të kenë vonesa në zhvillim në disa fusha.
Megjithatë, ata do të arrijnë gurët kilometrik, njësoj si gjithë fëmijët e tjerë, vetëm se në kohën e tyre.
Është shumë e rëndësishme që gjatë monitorimit të zhvillimit të një fëmije me sindromë Down, t’i jepet më shumë rëndësi arritjes së gurëve kilometrik sesa moshës në të cilën arrihen.
Ka momente të veçanta në secilën nga katër fushat e zhvillimit: aftësitë motorike, aftësitë gjuhësore, aftësitë sociale dhe aftësitë vetë-ndihmëse.

Ofrimi dhe pranimi i shërbimeve në moshë të hershme por edhe më vonë, mundëson krijimin e një terreni tepër të qëndrueshëm zhvillimor për fëmijën dhe e aftëson atë për në etapat e mëvonshme të jetës duke e orientuar drejt aspekteve të autonomisë personale dhe asaj sociale.
Pranë Qendrave të Shërbimeve të Shoqatës Down Syndrome Kosova, në kuadër të Programit të Edukimit dhe Intervenimit të Hershëm ofrohen shërbime terapeutike kryesisht në fushën e fizioterapisë, terapisë së zhvillimit dhe terapisë së gjuhës dhe komunkimit, si dhe informimin, mbështetjen e prindërve të rinjë.

Në mënyrë që terapia të jetë efektive, në vazhdimësi të procesit terapeutik prindërit dhe familjarët e fëmijëve me sindromë Down informohen dhe udhëzohen se si të punohet me fëmijën në mjedisin familjarë në mënyrë që të përgjithësohen njohuritë dhe aftësitë që fëmija mëson gjatë orës së terapisë.