Programi për Avokim
Çfarë është Programi për Avokim?
Shoqata Down Syndrome Kosova realizon veprime avokuese të cilat janë thelbësore për promovimin e të drejtave, mirëqenies dhe gjithëpërfshirjes së personave me sindromën Down. Programi për Avokim synon përfshirjen aktive të personave me aftësi të kufizuara dhe familjeve të tyre në proceset vendimmarrëse, si dhe monitorimin e zbatimit të legjislacionit që garanton të drejtat e tyre. Nëpërmjet këtij programi, DSK ndikon në politikat publike, promovon shërbime gjithëpërfshirëse dhe mbështet një kulturë respekti dhe barazie në shoqëri.
Fushat kryesore të avokimit
Programi për Avokim
Pjesëmarrjes, Përfshirjes, Të Drejtave të Njeriut dhe Rrjetëzimit.
Programi ka për qëllimin të përfshijë aftësinë e kufizuar në proceset vendimmarrëse,
të sigurojë zbatimin e legjislacionit, krijim e politikave dhe mekanizmave gjithëpërfshirës. Programi përfshinë por nuk kufizohet në realizimin e hulumtimeve, analizave, inicimin dhe pjesëmarrjen në nisma ligjore dhe politika, planifikim dhe buxhetim me pjesëmarrje dhe iniciativa të ngjashme që kanë për qëllim avancimin e pozitës së vajzave, djemve, grave dhe burrave me aftësi të kufizuara.
1. Avokimi për Politikat Publike
Përfaqësimi i interesave të anëtarëve përballë institucioneve shtetërore.
Krijimi dhe promovimi i politikave që mbrojnë dhe avancojnë të drejtat e komunitetit.
Organizimi i fushatave të ndërgjegjësimit për çështje specifike.
2. Mbështetja Ligjore dhe Konsultim
Ofrimi i këshillave ligjore për anëtarët.
Asistimi në proceset ligjore dhe administrative.
Organizimi i takimeve dhe sesioneve informuese për drejtat e PAK-ve .
3. Rrjetëzim
Anëtarësim në Organizata Lokale dhe Ndërkombëtare.
Bashkëpunimi me organizata Lokale dhe ndërkombëtare për të zgjeruar ndikimin.
Pjesëmarrja në forume dhe konferenca ndërkombëtare.
Grupet mbështetëse të prindërve dhe të rinjve
GRUPET MBËSHTETËSE TË PRINDËRVE
Në kuadër të avokimit, DSK organizon dhe mbështet grupet mbështetëse të prindërve në nivel lokal dhe regjional, ku prindërit ndajnë përvoja, marrin informata të sakta mbi të drejtat dhe shërbimet, si dhe fuqizohen për të avokuar për fëmijët e tyre.
Organizohen gjithashtu grupe të të rinjve me sindromë Down, të cilët aftësohen për vetë–avokim, pjesëmarrje aktive në komunitet dhe përfaqësim në ngjarje publike. Grupi mbështetës i prindërve avokues vepron si urë lidhëse mes familjeve, DSK-së dhe institucioneve.
GRUPI VETË-AKOVUES
Vetë-avokimi i personave me sindromën Down është një aspekt thelbësor i zhvillimit të tyre personal dhe i përfshirjes aktive në shoqëri. Për shkak të sfidave të veçanta në komunikim dhe zhvillim, personat me sindromën Down kanë nevojë për asistencë dhe mbështetje të strukturuar për të zhvilluar aftësinë për të shprehur mendimet dhe ndjenjat e tyre. Përmes vetë-avokimit, ata marrin pjesë në proceset vendimmarrëse që lidhen drejtpërdrejt me ta dhe përfshihen në mënyrë aktive në diskutime që ndikojnë në jetën e tyre. Gjithashtu, ata marrin pjesë në ngjarje dhe iniciativa që promovojnë të drejtat dhe interesat e tyre, duke avokuar për veten dhe duke bashkëvepruar me të tjerët që përballen me sfida dhe përvoja të ngjashme. Prandaj, vetë-avokimi luan një rol të rëndësishëm në zhvillimin e vetëdijes, autonomisë dhe pjesëmarrjes së tyre të plotë në shoqëri.