INFORMATË PËR DSK

Informatë mbi Shoqatën

Shoqata Down Syndrome Kosova (DSK) është një organizatë joqeveritare, e themeluar më 4 mars 2007 nga një grup i prindërve të fëmijëve me sindromën Down, të cilët u bashkuan me qëllimin për të mbrojtur dhe përmirësuar jetën e fëmijëve të tyre dhe të gjithë personave me me sindromë Down në Kosovë. Iniciativa për themelimin e DSK-së lindi nga një grup nënash të guximshme që kërkonin të ngritnin zërin për respektimin e të drejtave, integrimin dhe mirëqenien e fëmijëve me sindromën Down në shoqëri.

Në fillimet e saj, DSK-ja ka funksionuar në një zyrë të vogël në lagjen Dardania të Prishtinës, duke vepruar me mjete modeste por me përkushtim të madh. Me kalimin e viteve, Shoqata ka zgjeruar vazhdimisht aktivitetet, programet dhe ndikimin e saj në nivel kombëtar.

DSK është regjistruar zyrtarisht më 5 prill 2007, me Numër Regjistrimi: 5111389-6 dhe Numër Fiskal: 600279485.

Down Syndrome Kosova është organizatë nacionale e komunitetit e shtrirë me shërbimet e veta në katër (5) zona rajonale të vendit: Prishtinë, Mitrovicë, Prizren, Ferizaj, Gjilan

Komuniteti Ynë

Deri më tani DSK ka arritur të mobilizojë komunitetin që numëron mbi 1000 persona me sindromën Down. Organizata është bërë pikë referimi për informim, këshillim, përkrahje dhe mbrojtje të të drejtave të komunitetit.

Puna Jonë

DSK ka punuar dhe vazhdon te punojë fuqishëm në mbrojtjen dhe realizimin e të drejtave të personave me sindromën Down dhe grupeve të tjera të qytetarëve me aftësi të kufizuara, deri me tani ka iniciuar nisma inovatore të suksesshme të cilat kanë prekur drejtpërsëdrejti nevojat dhe interesat e komunitetit të PAK-ve, të cilat janë vlerësuar të dobishme dhe me interes të përgjithshëm shoqëror.

Disa nga nismat më të rëndësishme të ndërmarra nga DSK janë:

Bashkëhartues të Strategjisë Nacionale për persona me aftësi të kufizuara për periudhën 2025-2030 dhe planit të veprimit 2025-2027.
Hartimi i 5 planeve komunale të veprimit për persona me aftësi të kufizuar për periudhën 2024-2027.
Hartimin e platformës së përbashkët me shoqatat e PAK-ve, pjesëmarrje e drejtpërdrejtë në hartimin e strategjisë nacionale për personat me aftësi të kufizuar 2013-2023 si dhe dokumenteve të tjera shtetërore etj.
Iniciues për hartimin e projekt ligjit për ”Vlerësimin, njohjen e statusit, përfitimet dhe shërbimet për personat me aftësi të kufizuara” projekt- ligj i cili synon të trajtoje në mënyrë të barabartë të gjithë personat me aftësi të kufizuar (2016-2021 në proces)
Iniciues i iniciativës avokuese mbi politikat e Arsimit gjithëpërfshirës- Plani Strategjikë i organizimit të arsimit gjithëpërfshirës 2010-2015.
Avokim të suksesshëm për transparencë dhe llogaridhënien mbi fondin për trajtim mjekësor jashtë vendit ( Mars 2010- Mars 2011, financuar nga USAID)
Hartimin e materialeve të ndryshme si, manuale, fletushka, broshura, video dokumentar, të cilat kanë kontribuuar në ngritjen e vetëdijes së qytetarëve në përgjithësi si dhe ngritjen e kapaciteteve profesionale të institucioneve edukativo–arsimore dhe shëndetësore. Organizimin e trajnimeve të vazhdueshme që kanë pasur ndikim direkt në ngritjen e kapaciteteve të edukatorëve, mësimdhënësve dhe profesionisteve të tjerë, organizim të trajnimeve për student, vullnetarë, etj.

ANETARESIME NDERKOMBETARE

Shoqata Down Syndrome Kosova është anëtare me të drejta të plota në:

Down Syndrome International (DSI)
European Down Syndrome Association (EDSA)
European Down Syndrome Association (EDSA)
Shoqata Europiane e Shërbimeve për Personat me Aftësi të Kufizuara (EASPD)
European Coalition for Community Living (ECCL)
Partneritet me Down Syndrome Association of UK
Qendra Rehabilituese dhe trajnuese - Down Syndrome Centar Pula, Kroaci

Profili i DSK-es

Vlerat e Organizatës Shprehin besimin e komunitetit mbi potencialin e madhe dhe dëshirën e personave me sindromën Down për përfshirje dhe integrimin e tyre të plotë dhe të sigurt në shoqëri. DSK, është kundër etiketimeve dhe termave që përdoren në opinion për personat me sindromën Down. Gjithmonë veproni për personat me sindromën Down duke i thirrur në emrin e tij apo asaj, ose kur të përshkruani personin, fëmijën, apo te riun, referohuni si: person me sindromën Down apo me termin shkencor Trisomi 21.

Misioni

Promovimin, respektimin dhe mbrojtjen e të drejtave te personave me sindromën Down në Kosovë dhe familjareve te tyre.

Vizioni

Një shoqëri ku respektohet diverziteti njerëzor dhe personat me sindromën Down kanë mundësi te barabartë dhe mund te realizojnë potencialin e tyre.

Objektivat Strategjike

1. MIRËQENIA E PERSONAVE ME AFTËSI TË KUFIZUAR INTEKTUALE PËRMES KORNIZËS LIGJORE DHE POLITIKAVE INSTITUCIONALE
2. ZHVILLIMI I POTENCIALIT DHE JETESA E PAVARUR E PERSONAVE ME AFTËSI TË KUFIZUAR INTELEKTUALE PËRMES PROGRAMEVE TË DSK-SË.
3. PËRKRAHJE GJITHËPËRFSHIRËSE PËR PERSONAT ME AFTËSI TË KUFIZUAR INTELEKTUALE.